Провой кундемыште ик еҥ 1,4 кг наркотикым грецкий пӱкш кӧргыш шылтен, ужалаш шонен.
Российын УФСБ-н Марий Элысе сотрудникше-влак наркотикым ужалыше еҥым кученыт, илыме вержым тергеныт. Шуко наркотический веществам, химический реактивым да тудым ыштен лукташ лабораторий оборудованийым муыныт. Кызыт осал пашам ыштышым 12 ийлан пеҥгыде режиман колонийышке колтеныт. Приговор законышко пурен.