Йошкар-Олаште Келшымаш пӧртыштӧ «Налоговый форум-2025» лийын. Тудым «Йошкар-Ола» Банк (ПАО) эртарен.
Форумышто Налог шотышто федеральный службын рӱдӧ аппаратше гыч эксперт-влакат выступатленыт. Нуно налог шотышто законодательствыште вашталтыш, тыгак бизнес ден налоговый орган-шамычын пайдалын пашам ыштымаште ойыртемышт шотышто ойленыт.
Мероприятийыште нӧлталме теме-влак шуко йодышым луктыныт. Спикер-шамыч налог шотышто нелытым шагалемдыме да амалкалче-влаклан полшымо ой-каҥаш-влакым пуэныт.
Тыгай форум эл ден предприниматель-влакын сообществышт коклаште кылым пеҥгыдемдымаште кӱлешан, тыгак ончыкылыклан пунчал-влакым лукташ, бизнесын пашажым саемдаш полшат.
Эльвира Терентьева.