Тений РФ налог органым ыштымылан 35 ий темын. Марий Эл Республикым Вуйлатыше Ю.Зайцев налоговый органлаште тыршыше да ветеран-влакым саламлен.
– Тендан службыда бюджетым пойдараш да социально-экономический программе-влакым илышыш шыҥдараш полша. Пашада налогым тӱлышӧ-шамыч дене кылым эрыканым ышта, – палемден Ю.Зайцев.
Мероприятий годым республикым Вуйлатыше Федеральный налоговый службын Марий Элысе управленийжын сулло пашаеҥже-влаклан наградым кучыктен.
Марий Элым Вуйлатышын пресс-службыжын фотожо.