9 октябрьыште Владимир Путин Кремльыште Белоруссийын президентше Александр Лукашенком вашлийын.
Нуно кок могырымсо кыл, Союзный кугыжанышым ыштыме нерген мутланеныт. Путинын палемдымыж почеш, кок эл кокласе торгово-экономический кыл эн сайын вияҥеш. Тыгак ты кечын В.Путинын Указше почеш А.Лукашенколан Российын эн кӱшыл кугыжаныш наградыжым – апостол Андрей Первозванныйын орденжым – кучыктымо церемоний лийын.
«Россий ден Белоруссий кокласе кылым вияҥдымаште те моткоч шуко сомылым ыштенда», – ойлен Путин.