Марий Элым Вуйлатыше Ю.Зайцев СВО-н ветеранже-влаклан «Участник специальной военной операции» нагрудной знакым кучыктен.
Ты церемоний Марий Эл Республикысе Калык-влакын келшымаш пӧртыштышт эртаралтын. Юрий Зайцев Шочмо элым аралышын кечыжым пайремлыме вашеш тиде вашлиймаш моткоч кӱлешан манын.
«Ме лӱмынак регионысо наградым ыштенна, вет элна верч илаш-колаш кредалше-влакым тауштышаш улына. Кажныже, кӧ специальный военный операцийым эртен, мӧҥгыжӧ сеҥымаш дене пӧртылшаш да ты наградым налшаш. 24 февральыште Российын Президентшын СВО тӱҥалме нерген увертарымыжлан кок ий темеш. Мый палем, спецоперацийым шонен увертарыме, таче тушман-шамыч мемнам ынешт колто да чыным ынешт умыло», – каласен Ю.Зайцев.
Регионысо кучем Марий Элысе военнослужащий-влаклан полшаш тырша. «Защитники Отечества» фондын Марий Элысе пӧлкажынат надырже кугу.
Вашлиймаш годым Ю.Зайцев боевой действийын ветеранже-шамычын йодышыштлан вашештен да ешыштлан пеҥгыде тазалыкым, пиалым да сай илышым тыланен.
Эльвира Терентьева.