Марий Эл Республикыште илыше-влакым «Команда Путина» знак дене наградитленыт.
«Команда Путина» проектын участнише-шамычым пайремлын саламлымаш Марий Эл Республикысе Калык-влакын келшымаш пӧртыштышт эртаралтын. Почётан грамот да знак дене 13 еҥым палемденыт. Мероприятийыш толшо-влакым Марий Элым Вуйлатыше Ю.Зайцев саламлен. Тудо наградым Российысе Калык фронтын амбассадоржо, доброволец Франсуа Модеме дене пырля кучыктен.
Российысе Калык фронтын «Все для Победы» проектшын тауштымашан серышым 21 еҥлан пуымо. Нуно СВО участник-влаклан гуманитарный полышым колтымо шотышто ойыртемалтыныт.
Ю.Зайцев республикыште илыше-влакым кундемнан да элнан вияҥмашкыже надырым пыштымылан тауштен. Мероприятийыште Марий Элысе Калык фронтын, Молодёжь пӧлкажын еҥже-шамыч, Сеҥымаш волонтёр да студактив лийыныт.
Эльвира Терентьева.