12 июньышто Йошкар-Олаште В.И.Ленин лӱмеш площадьыште Россий кечылан пӧлеклалтше торжественный мероприятий лийын.
Марий Элым Вуйлатыше Ю.В.Зайцев ты пайрем дене республикыште илыше-влакым саламлен. Варажым тудо рядовой К.Просунченкон оҥышкыжо воинский порысым шуктымаште патырлыкым ончыктымыжлан кугыжаныш наградым – Жуков медальым – пижыктен. Тыгак Вуйлатыше Йошкар-Оласе школлаште тунемше-влак Д.Ландышевлан, И.Новосёловалан, А.Тащевалан, Д.Ганцулан, В.Ледовалан, Е.Семёновалан да Е.Букатинлан паспортым кучыктен. Нуно Российын гражданинжын клятвыжым ойленыт