Тений 8 тылзыште «Демографий» нацпроект почеш яллаште илыше 789 илалше еҥым эмлымверыш намиен кондыштарыме.
«Мобильный бригаде» 65 ияш деч кугурак еҥ-влакым диспансеризацийым эрташ, инфекционный огыл черым пален налмым тергымаште ешартыш скринингым ышташ да чер-влакым рашемдаш намиен коштыкта. Тидыже социальный пашаеҥын полшымыж дене да медорганизацийын графикше почеш еҥ-влакын ӱмырыштым шуйымо шот дене шукталтеш. Илалше-влаклан тидлан оксам тӱлыман огыл.