Чуваший Республикыште национальный кучедалмаш-влакын II тӱнямбал модмашышт эртаралтын. Ты мероприятий кышкарыште всестилевой каратэ дене тӱнямбал первенстве ден чемпионат лийыныт. Тушко 27 эл гыч 4700 наре спортсмен толын.
Марий Элысе спортсмен-влакат ты таҥасымашыште вийыштым тергеныт. Чылаже 15 призовой верым налыныт, 8 атлет чемпион лӱмым сулен. Землякна Даниил Фирсов тӱнямбал чемпион лӱмжым кокымшо гана пеҥгыдемден.
Марий Элысе Спорт министерствын сайтше гыч налме фото.