21 октябрьыште Савино селасе школ-интернатыште начарын ужшо да сокыр-влакын тӱнямбал ушемыштын еҥыштлан «Творчество не имеет границ» регион-влак кокласе фестиваль эртаралтын.
Мероприятийын тӱҥ шонымашыже – начар тазалыкан йоча-влакым творческий пашалан кумылаҥдаш, калык коклаште утларак лияш тараташ.
Фестивальыште икмыняр номинаций лийын: семӱзгарым шоктымаш, вокальный номер, хореографий, художественный мут, декторативно-прикладной творчестве да изобразительный искусство.
Мероприятийын тематикыже – Российыште илыше калык-влакын тӱвырашт да йӱлашт.