24 мартыште Йошкар-Оласе строительно-промышленный техникумышто республикысе профессионал мастарлыкым тергыме шотышто начар тазалыкан тунемше-влаклан конкурс эртаралтын.
Тушто профессиональный образованийым пуышо 17 организаций гыч ӱдыр-рвезе-влак таҥасеныт. «Каменщик» профессий дене 8 еҥ лийын, а «Штукатур» профессий дене – 9.
Конкурс кок йыжыҥ гыч шоген: теоретический да практический. Нунын пашаштым паша верым пуышо-влак акленыт.
«Каменщик» профессий дене ончыл верыш строительно-промышленный техникум гыч Дмитрий Маландин лектын гын, «Штукатур» направлений дене – Марий политехнический техникум гыч Вероника Савченко.
Интернет гыч налме фото.