Гармонь, баян, шиялтыш, тӱмыр, балалайке, а эше мандолине, гитар… Нине семӱзгар-влак тудын кидыштыже «илаш» тӱҥалыныт. Юлсер кундемын шочшыжо, шкеак шокташ тунемше уста музыканче Николай Иванович Степановын семже почеш йол шке куштен. А тудын суртыштыжо шочшо «Эрвий» йоча ансамбльым жапыштыже Рӱдӧ телевидений дене СССР мучко ончыктеныт.
Мемнам коден кайымыжлан 23 майыште идалык шуэш гынат, шарнат, тудлан тауштен илат. Поснак — Волжский район Карай велне. Николай Иванович Степанов 40 ий утла тӱвыра аланыште тыршен.
Мемнам коден кайымыжлан 23 майыште идалык шуэш гынат, тудым шарнат, тудлан тауштен илат. Поснак Карай велне. Николай Иванович Степанов 40 ий утла тӱвыра аланыште тыршен.
Сем алан деч посна, тудо эше почеламутым, пьесым возен, сценыште модын – Карай калык театрын ӱшанле эҥертышыже лийын. А эше мурым возен. Икымшыже – «Ом каласе тылат» – 2007 ийыште лектын. Композитор Вячеслав Осипов поро йолташыж нерген шарналтен, тыгерак ойла:
— Тудо уникум! Николай Ивановичын талантше дене кугешнем. Тудо композицийын кажне нотыжым аклен моштен. Пашаже-влак кумылаҥдыше, илаш ӱжшӧ, а эше эмлыше улыт. Тудын шке почеркше уло. Тидак кажне мурым ойыртемалтшым, чонеш логалшым ыштен.
Николай Степанов ден Вячеслав Осипов муро-влакым ятыр жап пырля луктыныт. Мурылан возымо мутым Россий писатель ушемын еҥже, писатель Маргарита Ушакова «пужарен».
Профессионал-практик семын Волжский районышто культурым вияҥдымаште Н.Степановын рольжо изи огыл. Эше Николай Иванович гармонь ден баяным шкеак ачален, шӱвыр ден тÿмырым ыштылын.
Порылык, мутым кучен моштымыжо, кӱкшӧ профессионализман улмыжо культурно-просветительный пашан ветеранжым пагалаш таратеныт, вет уло мастарлыкшым Н.И.Степанов калыклан пӧлеклен.
Тӱрыс статьям 21 майыште лекше газетыште лудын кертыда.