Миклай кугыза, капкам почын, ик ава лудо ден индеш игыжым уремыш поктен лукто, кочкаш пуыш. Лудо ешын кочмыж годым Миклай ава лудыжым руалтен кучыш. Капка ончыл теҥгылыште кийыше йыҥгырым налят, лудын шӱйышкыжӧ кылдаш пиже. Пошкудыжо, эртен кайышыжла, тидым ужын, ӧрмалген шогале.
– Миклай, лудыжлан йыҥгыржым молан сакалтынет? – шылтален йодо тудыжо.
– Теҥгече лудигыже-шамычым пеш тораш вӱден наҥгаен, кастене пыкше кычал муым. Таче, товатат, огыт йом. Адакшым курныж пеш пӧрдеш, йыҥгыр йӱк тудымат чактара, – шыргыжале мыскараче.
Светлана АЛЕКСЕЕВА.
Медведево посёлко.