Мышино урем Йошкар-Олан йӱдвел-касвел ужашыштыже, Козьмодемьянск ден Санчурск тракт-влак коклаште, верланен.
Тудо ондак ял лийын, тышке куснен толшо «Мышь» лӱмедышан пӧръеҥ дене кылдалтын.
1723 ийыште тыште 10 сурт да 44 пӧръеҥ шотлалтыныт. Ял пу гыч печкем ыштыше, ургышо, куышо мастар-влак дене чапланен.
1930 ийыште ялыште 108 колхоз сурт шотлалтын, колхозын шкенжын чапле мӱкшотарже лийын.
Кугу Отечественный сарыш пашам ыштен кертше чыла пӧръеҥым наҥгаеныт, 50 утлаже пӧртылын огыл.
Сар деч вара ялыште лесопилкым ыштеныт, тудо Йошкар-Оласе 297-ше №-ан заводынлан (кызыт Марий машиностроительный завод) шотлалтын, тыштак завод шке пашаеҥже-влаклан пӧрт-влакым чоҥаш тӱҥалын.
ХХ курымышто ял Медведево, Руэм ял шотан илемлашке пурен, 1993 ийыште – Йошкар-Олаш, ик ий гыч тудым уремыш савырыме. Ала-кунам
Мышино ола тӱрыштӧ лийын гын, кызыт тудын воктене у микрорайон чоҥалтеш.
Иван Речкинын фотожо.