РФ Президент В.Путин мобилизоватлыме россиян-влаклан тылзеш 195 тӱжем теҥге деч шагал оксам пуымо шотышто пунчалым пеҥгыдемден.
Тынар оксам рядовой-влаклан пуат, а моло кӱшыл чинан воин званиян еҥ-шамычлан – эшеат шукырак. Оксам «Мир» картыш колтат, тудыжо уке годым – лӱмынак почмо банковский счётыш. Тудым 10 ден 20 числа гутлаште эртыше тылзылан пуат. Тыгак военный службо годым тушманын техникыжым поген налмылан але пытарымылан, квалификаций ден выслугылан, службын посна условийжылан ден ойыртемалтмылан ешарен тӱлат.