С.Г.Чавайн лӱмеш Калыкле книгагудышто «Новый старт.55+» проект дене «Мой Марийский край» модуль уэш шке пашажым тӱҥалеш.
Тушко Марий Элыште илыше кугурак ийготан еҥ-влак ушнен кертыт. Тӱҥалтыш группышто марий йылмын вияҥмыже, алфавит ойыртем нерген каласкалат. Тыгак икмыняр ий тунемше группо-шамыч умбакыже шинчымашым пойдараш тӱҥалыт: марий книгам лудыт, радиом колыштыт да молат.
Кок тӱшкаштат тӱвыра ден йӱла нерген йодышым тарватат.
С.Г.Чавайн лӱмеш Калыкле книгагудын сайтше гыч налме фото.