Марий Элысе МВД Россий МВД-н кӱшыл профессиональный шинчымашым пуышо кугыжаныш тӧнежлашкыже тунемаш ӱжмӧ нерген увертара.
Россий МВД-н туныктымо тӧнежлаштыже тыгай специальность дене ямдылат:
– законым да правам шуктымым тергымаш. Специализаций-влак: ОВД-н оперативно-разыскной пашаже, ОВД-н административный пашаже (4 ий тунемман);
– национальный лӱдыкшыдымылык шотышто правовой обеспечений. Специализаций: уголовно-правовой (5 ий тунемман);
– судебный экспертизе. Специализаций: экспертно-криминалистический паша (5 ий тунемман).
Тунемаш пураш экзамен-влак: руш йылме, обществознаний (ЕГЭ). Ешартыш экзамен-влак: руш йылме (письменно), физический подготовко.
– Правам аралыме аланыште информационный технологий шотышто лӱдыкшыдымылык. Специализаций-влак: информационный лӱдыкшыдымылык управлений, правам аралыме пашаште информационно-аналитический обеспечений, компьютерный экспертизе (5 ий тунемман).
Тунемаш пураш экзамен-влак: руш йылме, математике (ЕГЭ). Ешартыш экзамен-влак: руш йылме (письменно), физический подготовко.
Россий МВД-н вузлаштыже тунеммаш — тиде:
– бюджетный вер-влак (яра туныктат);
– стипендий (1-4-ше курслаште 14 тӱжем теҥге стипендийым тӱлат, 5-ше курсышто – 27 тӱжем теҥгем);
– тунемме деч вара паша вер;
– кугыжаныш могырым обеспечений (формылан, илыме верлан да кочмылан тӱлыман огыл);
– рвезе-влаклан РФ Вооружённый вийлаш призыв деч отсрочко.
Марий Элысе ОВД-лан пашаеҥ-влакым Россий МВД-н Угарман, Волгоград олаласе академийже-шамыч; Озаҥ, Воронеж, Орёл олаласе юридический институт-влак; Моско ден Санкт-Петербургысо университет-влак ямдылат.
Лекше йодышым 68-33-37, 68-00-68 номеран телефон дене йыҥгыртен але илыме верысе ОВД-ш миен рашемдаш лиеш.