Юл кундемысе федеральный округышто «Музыка Приволжья» у проект пашам ышта. Тушко Марий Эл Республикат ушнен.
Тиде проектын тӱҥ шонымашыже: 14 пошкудо регионын тӱвырашт, историйышт да ойыртемышт дене калыкым палдараш. Чыла тидыже муро сем гоч ончыкталтеш. Организатор-влак кажне посна калыкын муро композицийыштым иктыш ушен, ик музыкальный произведенийым шочыктат.
Марий Элыште илыше-влак проектыш логалше сылне сем да видео-влакым телевизор дене ончен кертыт. 27 декабрьыште «Музыка Приволжья» лӱман тичмаш видеороликым ончыктат.
https://www.youtube.com/watch?v=OFLD4l4Zt_Y