YI-шо, Россий кӱкӱшытыштӧ эртаралтше открытый конкурс-фестиваль 14 февральыште Йошкар-Олаште Ленин лӱмеш тӱвыра полатыште эртаралтын. Тӱнямбалне кумдан палыме мурызо-баритон Муслим Магомаевын репертуарже гыч чапле мурыжо-влакым тиде гана Марий Эл ден Чуваш республикын мурызышт-влак йоҥгалтареныт. Мемнан мурызына-влак: Иван Соловьёв, Алексей Юнусов, Александр Швед да молат фестивальыште чолгалыкым ончыктеныт. Сеҥыше-влакым жюри варарак палемда.
