Марий Элысе «Сильные духом» вокальный ансамбль регион Вуйлатышын тауштымашыжым сулен.
Ты ансамбльым «Музыка СВОих» проект почеш чумырымо. Тудо спецоперацийысе салтак-влаклан да нунын ешыштлан пӧлеклалтын. Поснак тыгай еҥ-шамычын, кӧн илышыштышт муро кугу верым айла. Ансамбльыш салтак-влакын авашт, ака-шӱжарышт, пелашышт чумыргеныт. Эртыше ийыште нуно шуко патриотический мероприятийыште мастарлыкыштым ончыктеныт. Тӱҥ шотышто репертуарыштышт йӧратымаш да ӱшан нерген муро-влак йоҥгат. Тыгодым вачӱмбалнышт эреак лишыл еҥышт-влакын кительышт.
Ты ансамбльлан социальный координатор, сӧй пасушто эргыжым йомдарыше ава Елена Чемоданова вуйын шога. Палемдымыж почеш, ансамбль икгай илыш ситуацийыш логалше ӱдырамаш-шамычым ушаш ышталтын. Тудо фронтын да тылын икоян улмыжым ончыктышаш.
«Защитники Отечества» фондын Марий Элысе филиалжын сайтше гыч налме фото.