Кодшо кечылаште Марий Элысе Курчак театрыште «Пеледше тукым» йоча усталык конкурс эртаралтын. Тудо Ешын идалыкшылан пӧлеклалтын.
Тушко районласе, Йошкар-Оласе 27 йочасад гыч 173 икшыве ушнен. Участник-влак куштеныт, муреныт.
«Музыкальный» номинацийыште Медведево район Пурсанур селасе «Улыбка» йочасадыш коштшо Д.Алмаматова икымше верым налын. Ансамбль-влак коклаште Марий Турек посёлкысо «Берёзка» йочасадын коллективше ойыртемалтын. «Танцевальный» номинацийыште 1-ше верыш Йошкар-Оласе 65-ше №-ан «Незабудка» йочасад лектын.