Мунышӱм утларакше (90 процент) карбонат кальций гыч шога. А тудо кушкыл-влакын кушкашышт полшышо пеш пайдале микроэлемент. Моло лу процентше – цинк, марганец, фтор да молат. Нунат пеш кӱлешан улыт.
Мунышӱм пакчалан пеш сай ӱяҥдыш лийын кертеш. Тудым тыгыдемдыман, йыраҥ мучко кышкыман да кӱнчыман. Садлан мунышӱмым ида кышке, теле гоч погыза.
Тылеч посна мунышӱм мландын шопылыкшым пытара.
Тудым вредитель-влаклан ондалчык семын кучылташ лиеш. Тыгыдемдыме мунышӱмым нӧшмӱй дене варыман, медведке пошымо верыш кӱнчен пыштыман. Медведке-влак колат.
Мунышӱм шукак погынен гын, пушеҥге вож йыр опташ лиеш, тудо мландым вӱдыжтараш, ӱяҥдаш полша. Тыгай «кочкышлан» вишне, черешне, сливе поснак куанат.
Порошок марте тыгыдемдыме мунышӱмым росотам шындышашлык мландыш шаваш сай. Тыге помидор, шере пурыс да ковышта озым сайынрак кушкыт.