Российысе калык-влакын тӱвыра поянлыкыштын идалыкше жапыште Йошкар-Олаште уш-акыл поянлыкым тергыше «Мунло» марафон тений 11 ноябрьыште лиеш. Тудо С.Г.Чавайн лӱмеш Калыкле книгагудышто эртаралтеш.
Участник-влак историй, шочмо кундемын палыме еҥышт, марий литератур, йылме, тӱвыра да йӱла дене кылдалтше йодыш-влаклан вашмутым кычалаш тӱҥалыт. Марафоныш ушнаш шонышо-влак йодмашым 2 ноябрь марте mari-cemter_konkurs@mail.ru электрон адресыш возен колтен кертыт.