Моторын да раш кутыраш манын, икмыняр упражненийым темлена. Нуным кажне кечын 5-6 минут дене ыштыман.
1. Артикуляций разминкым ыштыза. Тудо мутланыме годым умшам кугун почаш, тӱрвӧ ден йылме чогашылым пеҥгыдемдаш полша. Мутлан, воштончыш ваштареш шогалын, тӱрвӧ ден пӱйым ваш ишыза. Вара оҥылашлум ӱлыкӧ волтыза, а умшадам кумданрак почаш тыршыза. Угыч умшадам петырыза. Тыге 10 гана ыштыман.
2. Ик йӱкымак уэш-пачаш тӱйымӧ дене чын артикуляцийышке шуаш лиеш. Тӱҥалтыште куштылгырак вашкеойым (скороговоркым) кучылтман, вара нелыракыш кусныман. Кажне гана писынрак каласаш тыршыза. Мутлан, Васлийым вашлийым, вашлийым Васлийым. Кученам мый коло колым, коло колым кученам. Варвара ден Вералан – ведра ден у вӱдвара.
3. Йоҥйӱк ушем-влакым ик мут гай лудын кайыман, кажне гана йӱк пералтышым тӱрлӧ семын шындыман. Мутлан, Иэаоуы, иЭаоуы, иэАоуы, иэаОуы, иэаоУы, иэаоуЫ.
4. Йоҥйӱк ден соҥйӱк ушем-влакым лудман. Мутлончым пеҥгыдын каласыман, тидлан умшам чот почман да тӱрвӧ дене тарватылман: птпо – бдбо; птпу – бдбу; ктпти – гбдби.
5. Шке йӱкдам диктофоныш возыза, вара колыштса. Йоҥылыш-влакым тӧрлыза.