30 ий ончыч (1995) Москосо Дорогомилово районышто Поклонный курыкышто Сеҥымаш паркым почмо. Тудын авторжо-влак – Анатолий Полянский, Зураб Церетели, Ильяс Тажиев, Израиль Моше Захри, Андрей Ковальчук.
Сеҥымаш парк – 135 гектарысе кумдыкышто верланыше Российысе ик эн кугу мемориал комплекс.
Тудо Кугу Отечественный сарыште сеҥымылан пӧлеклалтын. Мемориалым Сеҥымашын 50 ияш лӱмгечыжлан почмо.
Парк «Годы войны» фонтан комплекс дене тӱҥалеш. Рӱдӧ композиций – 141,8 метран Сеҥымаш композиций. Тиде цифр тыглай огыл, тудо Кугу Отечестивенный сар 1418 кече шуйнымым ончыкта.
Монументын ӧрдыжтыжӧ военный событийласе сӱретан барельеф-влакым келыштарыме. Тушто Брест, Севастополь, Моско, Сталинград да Берлинысе кредалмаш-влакым ончыктымо. А монумент мучаште нуно шикш ден тул гыч салютыш савырнат.
Паркысе композицийын рӱдыштыжӧ смотровой площадке уло. Тушко сеҥымашын юмыжо, Никан, той фигуржым кок суксо дене пижыктыме. Обелискын ӱлыл ужашыштыже салтак-влакын покровительышт шнуй Георгий Победоносецын статуйжым шогалтыме. Тудо тушманын символжым, драконым, пикш дене шуралта.
Эльвира Терентьева.
