20 ноябрьыште Йошкар-Оласе «Башня» культурно-выставочный рӱдер «Артефакты и гаджеты Елены Ковылиной» художественный проектын презентацийышкыже ӱжеш.
Тушто Москошто шочшо да илыше Е.Ковылинан кызытсе технологий дене тӱрлӧ арверым сӧрастарыме пашаже-влакым ужаш лиеш. Ончер Российысе тӱвыра поянлыкын идалыкшылан да сӱретчылан 50 ий темме лӱмеш эртаралтеш да 10 январь марте ончыкталтеш.
