7 майыште Москошто ВДНХ-ште «Россий» тӱнямбал выставке-форумышто Марий Элысе тоштер-влакын кечышт тӱҥалын.
Шернурысо А.Конаков лӱмеш музейно-выставочный комплексын пашаеҥже-влак кундемнан йӱдвел-эрвел могырыштыжо илыше олыкмарий ӱдырын вуйчимжым ӱдырамашыныш вашталтыме йӱлам ончыктеныт. Тыгак «Кугу Шернур дене» тематике сынан программе кышкарыште Николай Заболоцкийын усталык корныж дене палдареныт. 8 майыште Марий Турекысе В.П.Мосолов лӱмеш краеведений тоштер Совет Ушем Герой Сергей Суворовын подвигше нерген каласкален.