Марий Элым Вуйлатыше Ю.Зайцев Москошто РФ Правительстве Председательын вуйлатымыж почеш эртаралтше стратегический сессийыште лийын.
Премьер-министрын мутшо почеш, 2023 ийыште 9 трлн теҥгеаш внебюджетный инвестицийым кондымо. Тыгак пытартыш кок ият пеле жапыште 230 тӱжем утла паша верым ыштыме, 6,5 млрд теҥгеаш сату ден услугым пуымо.
Кундемлаште куратор-влакын полшымышт дене 357 инициативым илышыш шыҥдарат. Марий Элыште республикым вияҥдымаште 5 тыгай проект почеш паша шукталтеш. Кураторствын проектше дене 77 инвестиционный проектым планыш пуртымо, тымарте 45 проектше илышыш шыҥдаралтын. Тыгак 32 кӱлешан объектым чоҥаш палемдыме.
2022-2023 ийлаште проект-влак почеш 1,4 тӱжем у паша верым ыштыме, 18,4 млрд теҥге инвестицийым кондымо, 45,6 млрд теҥгеаш ешартыш сатум ыштен лукмо.