Москошто – марий выставке

Марий Эл Республиклан 100 ий темме вашеш Москосо «Выставочная» метро станцийыште Денис Речкинын «Марийцы на просторах России. Избранное» фотовыставкыже почылтын.
Пеледыш пайрем, марий сӱан, марий кочкыш да шочмо калыкнан моло илыш сӱретше фото-влак гоч ончыкталтыт. Метрополитенын пашам ыштыме жапыште кок арня гутлаште ты выставыкым ончаш лиеш.

Фотовыставкын авторжо «Кугарня» газет редакцийлан лӱмын кӱчык интервьюм пуэн.