20-21 февральыште Москошто «Россий» форум-ончерыште Курыкмарий районын кечыже-влак эртаралтыт.
Кок кечыште Марий Эл Республикын стендше воктене уна-влак курымарий-влакын тӱвырашт дене палыме лийын кертыт.
Уна-влаклан Любовь Ласточкинан вуйлатыме почеш кӱслезе-влакын шоктымышт поснак келша.
Кумылан-влак курыкмарий ӱштым кузе ыштыме дене палыме лийыт. Тидлан ВДНХ-ш Йоласал тӱвыра да ремесла пӧрт гыч куымо станым лӱмын конденыт. Ӱштым ыштыме нерген курыкмарий мастар Клавдия Иванова каласкала. Марионелла Иванова курыкмарий-влакын тӱрышт дене палдара. Нина Тетюкова курыкмарий орнаментан брошкым ышташ туныкта.
Курыкмарий районын кечыже-влак Марий Элым Вуйлатыше Юрий Зайцевын кӱштымыжӧ да Марий Элысе Тӱвыра, печать да калык-влакын пашашт шотышто министерствын полшымыж дене эртаралтыт.
Курыкмарий район администрацийын ВК-се тӱшкаж гыч налме фото-влак.