21-23 апрельыште Россий Президент В.Путинын инициативыж почеш «Малая Родина – Сила России» II Российысе муниципальный форум эртаралтеш.
Тушто Марий Элын делегацийже пашам ыштен. Тудым республикысе Правительстве председательын алмаштышыже Е.Курмаев вуйлатен. Тыгак Москошко регионысо элгӧргӧ политикын министрже А.Мирбадалев, «Совет муниципальных образований Республики Марий Эл» ассоциацийын, 14 районысо администраций ден 9 районым вуйлатыше-шамыч миеныт.
Форумышто 20 панельный сессий, дискуссий да эксперт-влак дене вашлиймаш-шамыч эртаралтыныт. Тыгодымак «Служение» II Всероссийский муниципальный премийым кучыктеныт, Всероссийский муниципальный инвестиционный форум ден «Сердце Родины» тӱвыра фестиваль лийыныт.
Марий Эл гыч мийыше-шамыч эксперт-влакын каҥашымашыштышт, БРИКС элласе парк-влакын тӱнямбал форумыштышт лийыныт, инвестиционный проектышт да социально-экономический инициативышт дене палдареныт. А «Сердце Родины» тӱвыра фестивальыште «Марий Эл» куштышо кугыжаныш ансамбль выступатлен.