Тыгай поезд кажне кечын кошташ тӱҥалеш. Йошкар-Ола гыч 19 шагатат 26 минутлан тарвана, Москош эрлашыжым 9 шагат эрдене миен шуэш. Тушко пассажир шуко пурен кертеш, сандене билетын акше шулдештын. Ончыч плацкарт вагонышко билет акше 2 500 теҥге наре, купешке 4 200 теҥге лийын гын, ынде эн шулдо билет – 1700 теҥге.
Поездыште вагон-ресторан, тыгак начар тазалыкан, шоҥгыеҥ-влаклан лифт дене кӱзымӧ посна вагон улыт.