Москошто «Без срока давности» шымлыме проект-влак Российысе конкурсым иктешленыт. Финалист-влак коклаште – Йошкар-Оласе Строительно-промышленный колледжын студентше-влак Даниил Зайцев ден Вилен Сидалёв (вуйлатышышт – Н.Т.Фомина).
Конкурс паша-влакым куд номинацийыште акленыт. Рвезе-влак «Отражение геноцида в архивных документах: работа с историческими источниками, представленными на сайте проекта «Без срока давности» направленийыште призёр лийыныт. Нунылан Россий Вооружённый Вийын рӱдӧ тоштерыштыже да Сеҥымаш тоштерыште эртарыме экскурсий-влак поснак келшеныт.
Марий Элысе Образований да науко министерствын архивше гыч налме фото.