9 октябрьыште Столичный бизнес колледжыште первокурсник-влакым курсантыш торжественно пуртеныт.
«Правоохранительная деятельность» ден «Защита в чрезвычайных ситуациях» специальностьлам налаш ямдылалтше-влакын пайремышт Йошкар-Оласе Воинский Чап площадьыште эртаралтын. Тудо Российын кугыжаныш флагшым нӧлталме дене тӱҥалын, вара гимн йоҥген.
Курсант-влакым шукын саламленыт. Нунын коклаште СВО-н участникшат лийын. Курсант-влак преподаватель С.А.Веселов ончылно товатмутым ойленыт. Варажым Курымашлык тул воктеке торжественный марш дене ошкылыныт, пеледышым пыштеныт.
Мероприятий годым кугурак курслаште тунемше-влаклан «Старший сержант», «Сержант», «Младший сержант» да «Ефрейтор» званий-влакым пуэденыт.