2 мартыште Россий МВД-н Марий Элысе пӧлкаштыже мошенничестве деч аралалтме шотышто пресс-конференций эртаралтын.
2020 ийыште мошенник-влак 140 млн теҥге оксам шолыштыныт. Тений кок тылзе жапыште шым миллионым ондален налыныт. Тыгай томаша шагалемже манын, 1 гыч 31 март марте республикыште «Осторожно, мошенники!» акций кая. Тиде жапыште школышто тунемше гыч тӱҥалын илалше еҥ-влак марте полиций пашаеҥ-влак вашлиймашым эртарат да кузе шкем кучаш кӱлмӧ нерген умылтарат.