Шукерте огыл Морко районысо чыла школ гыч теннис дене модаш йӧратыше спортсмен-влак иктыш чумыргеныт. Кыдалаш школ-влак коклаште Физический культур да спорт рӱдерын командыже сеҥышыш лектын. А 2-шо верым Нуж-Ключ школын командыже налын, 3-шо верым — Кокласола лицей. Тӱҥ школ-влак коклаште Кожлаер школын командыже чылам ончылтен. 2-шо верым Шӱргыял, а 3-шо верым Купсола школ—влак налыныт.
Елена Григорьева, Шӱргыял школ пеленысе профсоюз ушем вуйлатыше.
Снимкылате: Морко районысо туныктымо аланысе профсоюз ушем вуйлатыше В.С.Фёдоров школ пашаеҥ-влак коклаште эртаралтше теннис таҥасымашын сеҥышышт да призёрышт коклаште.
Анжелика Витальевна ден Денис Владимирович Сергеевмыт Шӱргыял школын чапшым кажне ийын теннис дене профсоюз таҥасымаште аралат да сеҥышыш лектыт.