Москошто «Молодой лидер Нефтегазстройпрофсоюза России» конкурс мучашлалтын.
Тудо ӱмаште 29 ноябрьыште тӱҥалын да тений 15 ноябрь марте шуйнен. Конкурс ныл йыжыҥ дене эртаралтын. Тушто 174 участник лийын. Финал марте лу тале да виян еҥ веле миен шуын.
Финалист-влак радамыш Морко район гыч Геннадий Полатов логалын. Самырык еҥым «Кугарня» газет лӱм дене саламлена, умбакыжат пашаште сеҥымашке шуаш тыланена.
Икымше верыш Оренбургысо газоперерабатывающий завод гыч Юлия Авдеева лектын.
Интернет гыч налме фото.
