Таче, 30 ноябрьыште, ВДНХ-ште Мордовия Республикын кечыже эртаралтеш.
Тушто мордва-влакын кочкышыштым тамлен ончаш лиеш. «Россия» ончерыште нуно маска йол манме котлетым темлат. Тудым ушкал да сӧсна шыл, мокш, шоган, муно, коштымо кинде шултыш гыч ямдылат да специйым ешарат. Тыгак пачат мелна ден пачат бургер дене сийлат. Эн ончыч тидыжым Футбол дене тӱнян чемпионатше годым пукшеныт.