Марий калык таза, ӱнаран лияш манын, мончаште выньык дене кыралтеш. Тидлан кӧра тӱрлӧ пушеҥгын укшыжым кеҥежым поген ямдыла, выньыкым пидеш. Лудшына-влак тидын шотышто мом ойлат?
Виктория Калугина, Параньга район:
– Мончаш пураш пеш йӧратем. Кызыт вес кундемыште пашам ыштем, сандене монча мыланем огеш сите. Телым арнялан кок гана мончаш пурена гын, кеҥежым чӱчкыдынрак. Куэ выньыкым шке ыштен ямдылена. Укшым погаш лӱмын куэрыш коштына. Теле гочлан ситыже манын, 46 мужырым ыштена.