Кызыт Йошкар-Олаште Эшкинин уремыште йолешке-влаклан ыштыме корным Ленин проспект гыч Чавайн бульвар марте тӧрлат.
Тушто ик подрядный организаций бордюрым кораҥден уэмда, вара у асфальтым шарышаш улыт. Ты паша «Формирование комфортной городской среды» федеральный проект почеш шукталтеш. Ты кумдыкым ачалаш манын, еҥ-влак Йошкар-Оласе администрацийын сайтыштыже йӱкленыт. Кызытат посна платформышто –12.gorodsreda.ru – сайтыште калык коштмо верлам уэмдыме шотышто йӱклымаш кая. Шке йӱкдам 30 май марте пуыза.