Республикыштына тӱрлӧ верым уэмдыме шотышто йӱклымаш 26 апрель гыч 30 май марте шуйна.
Волжск олаште «Формирование комфортной городской среды» программе почеш «Заря», «Северный» да «Дружба» микрорайонласе тротуар-влакым тӧрлымӧ шотышто йӱклыза.
Йошкар-Олаште 19 верым ончыктымо. Нунын коклаште тӱрлӧ уремыште йолешке-влаклан корно, набережныйыште каныме зоно, Воскресенский паркыште йоча площадке, Россий армийын тӱвыра полатше ончылно изи сад да молат улыт.
Козьмодемьянскыште Я.Эшпай лӱмеш тӱвыра пӧрт ончылсо да эше икмыняр садыште, 8 Март уремысе да Тазалык аллейыште, оласе пляжыште, сер воктене тӧрлатыме-уэмдыме пашам виктараш темлат. Йӱклыза!