22-26 июльышто самырык-влакым военно-патриотический шӱлышеш куштымо «Авангард» рӱдерыште «МОЛОДЙОШКА» республикысе молодёжный форум эртаралтын.
Форум годым тренинг да лекций сынан занятий-влак, федеральный, округысо да регионысо эксперт-влак дене вашлиймаш, грант конкурс, тыгак каныме мероприятий-влак лийыныт. Спикер-влак куд направлений дене выступатленыт: «Села-влаклан проект-шамыч», «Тӱвыра», «Госстарт», «Лидерстве нерген», «Медиа», «Самоуправлений».
Форумыш 200 наре еҥ ушнен. Тений тудын кышкарыште «Росмолодежь. Гранты» грант конкурсым икымше гана эртарыме. Конкурслан ик миллион теҥгем самырык-влакын пашашт шотышто федеральный агентстве ойырен.
Ты конкурсышто кандаш еҥын проектшым сайлан шотленыт да нуным илышыш шыҥдараш грантым пуэныт.
«Молодёжь Марий Эл» ВК-се тӱшка гыч налме фото.