Молан попугай мутлана?

Попугай-влак моло кайык деч ушанрак улыт. Нунын вуйдорыкышт ойыртемалтеш. Попугай ден моло шулдыран мурышо йолташна-влакын вуйдорыкыштышт шкешотан «тунеммаш ядро» уло, сандене нуно семым шарнен кодыт да шкегыч тудым йоҥгалтарат. Попугайын тиде «лончыжо» нейрон гыч шогышо оболочко дене вӱдылалтын. Попугайын мыняр шуко оболочкыжо, тунар сайрак йӱкым луктеш.