Тений Российысе Экономикым вияҥдыме министерстве ешартыш грант оксам 58 кундемлан колта. Нунын коклаш Марий Элнат логалын.
Республиклан тений 28 млн утла теҥгем пуат, а 2024 ийыште – эше 49 млн теҥгем. Туддене «ВУДЛЭНД» спорт да тазалыкым пеҥгыдемдыме комплексыште 28 унагудо номерым ыштат, «Мариленд» каныме базыште – 24 номерым, «ЗаАзяково» экоферме кумдыкышто – 18 номерым. Тиде шкешотан модельный унагудо-влак лийыт. Тылеч ончыч «Яльчик» базылан грант пуалтын ыле.