Волжский район Памар селаште у йоча площадке ямде.
Молочное ер воктенысе йоча-влаклан модмо верым тысе калык ондак йӧнештарен улмаш, но тыгодымак площадкым чоҥымаште шуко экшык лийын. Сандене Волжск оласе суд оборудований-влакым кораҥдаш кӱштен.
Идалык тӱҥалтышыште ты верыш А.Евстифеев миен коштын да у верым ышташ темлен. Тидлан 2 млн теҥге оксам республикын бюджетше гыч ойыреныт.
Йоча площадкым «Жилье и городская среда» нацпроектын «Формирование комфортной городской среды» региональный проектше почеш ыштеныт.
Кызыт тушто лӱҥгалтыш, курык, спортивный да модмо комплекс-влак улыт. 2021 ий 1 июль марте тротуарым ышташ да асфальтым шараш палемдыме.