Йошкар-Оласе ужалыше рӱдерлаште налоговый службын мобильный офисшым ужаш лиеш.
Налог да тудым кузе куштылгын тӱлымӧ шотышто калыкын умылымашыже тичмаш лийже манын, Россий УФНС-ын республикысе пӧлкажын пашаеҥже-влак мобильный офис-шамычым «Ананас», «Пушкинский», «Планета», «Zelen» ужалыше рӱдерлаште вераҥденыт.
Налог инспектор еҥ-влаклан налоговый вычетым кузе налаш лийме нерген ойлен,Интернет-сервис дене палымым ыштен. Тыгак погынышо-влак моло йодышымат рашемденыт.