Марий Элыште мобилизироватлыме еҥ-влакын ешыштлан психологий полышым пуат.
Марий Элысе Социальный вияҥмаш министерстве IT-специалист-влак дене пырля Телеграм (https://t.me/centerpomoshi_bot) да ВКонтакте (https://vk.com/centerpomoshi_bot) соцкыллаште чат-бот-влакым ямдылен. Тургыжланыше кажне еҥ психологлан шке йодышыжым пуэн, проблемыж нерген каласкален да чон почын кутырен кертеш. Республикысе «Доверие», «Алма» рӱдер-влакын, тыгак МарГУ-што психолого-педагогический факультетыште туныктышо психолог-влак консультацийым пуат. Тыгак республикысе «ӱшан телефоныш» ((88362) 21-10-40) йыҥгыртен, полышым налаш лиеш. Тудо сутка мучко пашам ышта.