Эртыше кечылаште Марий Элыште «Студенческий отряд-влакын Мисс ден Мистерышт» конкурс лийын.
Тушто тӱрлӧ студотряд гыч чолга ӱдыр-рвезе-шамыч шке мастарлыкыштым, чолгалыкыштым ончыктеныт. Нуно Российысе студотрядын нормативный документшым палыме шотышто тестым решатленыт, дефилем ончыктеныт да творческий номерым ямдыленыт.
Конкурсым иктешлымеке, МарГУ-н студенткыже Дарья Иванова студотряд-влакын Миссышт лийын, а Мистерже – Волгатехын студентше Артемий Завалишин.
Сеҥыше-влак Нижний Новгород олаште конкурсын окружной этапыштыже кундемнан чапшым аралаш тӱҥалыт.
Марий Элысе студотряд-влакын ВК-се тӱшкашт гыч налме фото.