Марий Эл Республикысе Тӱвыра, печать да калык-влакын пашашт шотышто министр Константин Иванов керамик мастар Николай Леденейкин дене вашлийын.
Скульптор шке илыш-корныжо дене палдарен, изделий-влакын кузе ышталтмыштым каласкален. Н.Леденейкинын пашаже-шамыч Прага, Варшава, Германий, Франций тоштерлаште аралалтыт.
Николай Борисович творческий шӱлышан ешыж дене кугешна. Пелашыже Козьмодемьянск оласе художественный школышто туныктышылан тырша: керамике дене арверым ышташ да тӱрлаш туныкта. Эргышт графике дене илышыжым кылден, а ӱдырышт бисер дене сӧрастарыш-влакым ямдыла.
Константин Анатольевич кидмастарлан Йошкар-Олаште выставкым эртараш темлен.
Республикысе Тӱвыра, печать да калык-влакын пашашт шотышто министерствын сайтше гыч налме фото.