РФ-н Министр-влак кабинетше пале улыт. Тушто куд у министр уло.
13 майыште Россий Президент Россий Федерацийысе Правительствын членже-влакым палемдыме шотышто указым луктын.
У срокышто кӧмыт пашам ышташ тӱҥалыт?
Элгӧргӧ паша министр – Владимир Колокольцев, тудак лийын.
Йотэлысе паша министр – Сергей Лавров, тудак лийын.
Обороно министр –Андрей Белоусов, Сергей Шойгу олмеш. Тудо 2020 ий годсек РФ Правительствын составыштыже, 2012-2013 ийлаште Экономикым вияҥдыме министерствым вуйлатен, президентын полышкалышыжлан тыршен.
Гражданский обороно, чрезвычайный ситуаций да пӱртӱс туткарым кораҥдыме шотышто министр – Александр Куренков, тудак лийын.
Юстиций министр – Константин Чуйченко, тудак лийын.
Внешний разведке службын директоржо – Сергей Нарышкин, тудак лийын.
Лӱдыкшыдымылык федеральный службын директоржо – Александр Бортников, тудак лийын.
Росгвардийын директоржо – Виктор Золотов, тудак лийын.
Охране федеральный службын директоржо – Дмитрий Кочнев, тудак лийын.
Президентын специальный программе шотышто Тӱҥ управленийжым вуйлатыше – Александр Линец, тудак лийын.
РФ-ысе Счётный палатын председательже – Борис Ковальчук. 2022 ий марте Александр Кудрин лийын. Но тудо кайымеке, вер яраш кодын, обязанностьшым алмаштышыже Галина Изотова шуктен.
Тыгак Ялозанлык министр вашталтын – Дмитрий Патрушев олмеш Оксана Лут.
Правительствысе у постыш – транспортым вияҥдыме йодышым курироватлыше вице-премьер должностьыш – Виталий Савельевым пеҥгыдемдыме.
Икымше вице-премьер Денис Мантуров лийын (ондак Андрей Белоусов ыле).
Вич у вуйлатыше
Россий Президент Владимир Путин Курск, Тула, Калининград, Кемерово областьласе да Хабаровский крайысе губернатор-влакын пашаштым жаплан шуктышо-влакым палемден.
Калининград областьыште – Алексей Беспрозванных. Ондакысе губернатор Антон Алиханов Минпромторгым вуйлаташ тӱҥалын.
Тула областьыште – Дмитрий Миляев. Ондакысе губернатор Алексей Дюминым РФ Президентын полышкалышыжлан шогалтыме.
Кемерово область-Кузбассыште – Илья Середюк. 2018 ий годсек кундемым вуйлатыше Сергей Цивилёв РФ энергетике министр лийын.
Хабаровский крайыште – Дмитрий Демешин. Ондакысе губернатор Михаил Дегтяревлан Минспортым вуйлаташ ӱшаныме.
Курск областьыште – Алексей Смирнов. Ондакысе губернатор Роман Старовойт – Россий Федерацийысе транспорт министр.